Arabako Epilepsia Elkartea

Nortzuk garen

Arabako Epilepsia Elkartea 1997ko apirilean sortu zen irabazi-asmorik gabeko elkartea da eta Elkarte Erregistroan dago AS/A06668/1997 kodearekin.

Egitekoa

Epilepsia duten pertsonen, haien senideen eta ingurukoen bizi-kalitatea hobetzea.

Helburuak

  1. Epilepsia dutenen beharrak asetzeko arreta eta aholku egokiak eskaini (osasun, laguntza, heziketa eta gizarte-zerbitzuak).
  2. Gaixotasuna ezagutarazi gizarte kontzientzia handitzeko eta informazio sakona eta egiaztatua eskaini.
  3. Erakunde publiko eta pribatuen aurrean gaixotasuna pairatzen dutenen eskubideak aldarrikatu.
  4. Gaixotasunean zehar lagundu.
  5. Helburu bera duten elkarteekin lan egin.

Zer egiten dugun

1. Gizarte-laguntza eta aholkularitza

Gaixotasun kroniko baten diagnostikoa jakiteak gaixoa hunkitzen du kasu gehienetan. Hau dela eta, argibidea beharrezkoa da eragina baretzeko eta gaixotasunari aurre egiteko.

Hasieran argibidea ematea, okerreko sineskerak gezurtatzea eta lasaitzea funtsezkoa da.

Gure arreta diagnostikoa jaso berri dutenei zuzentzen zaie batez ere. Zerbitzu pertsonalizatua eta doakoa da. Bertan, gaixotasuna, osasun ohiturak, tratamenduen jarraipenaren garrantzia, laguntza-zerbitzuak, desgaitasunaren balorapena, menpekotasuna eta abarri buruzko aholkularitza eskaintzen dugu. Zalantzak eta beldurrak kentzen eta gaixotasuna ezagutzen laguntzen dugu.

2. Laguntza psikologikoa

Gaixo eta senideei zuzendua da. Helburua da epilepsiari lotutako arazo psikosozialak eta ondorioz sortzen diren sentimenduak identifikatzea. Gaixoak bere bizitzaren kontrola hartzea eta gaixotasunaz jakitea espero dugu gaixotasunak bere bizitza menpera ez dezan.

Gaixoak denbora behar du gaixotasunari aurre egiteko , bizitzarekin jarraitzeko eta gaixotasunak dakartzan mugei egokitzeko.

Laguntza psikologikoaren bitartez gogo arazoak, norberaren burua zaintzea, sintomak ezagutzea eta igartzea espero dugu krisien maiztasuna murriztu eta bizitza-kalitatea hobetzeko asmoz.

4. Argibide eman eta sentikor bihurtzeko kanpainak

  • Eskola, elkarte zein kolektiboetan hitzaldiak eskaintzen ditugu gaixotasuna ezagutaraziz eta konbultsioen aurrean nola jokatu azalduz.
  • Mahai informatiboak. Maiatzaren 24an Epilepsia egun nazionala ospatu.

5. Jardunaldiak

Epilepsian adituak diren neurologoen laguntzarekin gaixotasunaren argibide sakona eta eguneratua eskaintzea da gure helburua.

6. Oroimen eta entrenamendu kognitibo tailerra

Helburua da oinarrizko prozesuetan gabeziak dituzten ahalmen kognitiboak hobetzea: arreta, oroimena, arrazoimena eta arazoen konponbidea.

Epilepsia pairatzen duten eta tratamendu egokia jasotzen duten gehienek gaixotasuna egoki menperatzen dute eta bizimodu arrunta dute. Halere, burmuineko zonalde zehatzetan krisialdiak sortzean, esaterako lobulu-tenporalean, oroimen arazoak, arretara zein kontzentraziorako zailtasunak, eta informazioa prozesatzeko geldotasuna zor daitezke.

Hordutegia: astelena-asteazkena eta ostirala 10:30tik 11:30ra.

7. Elkarren arteko laguntzarako taldeak

Gaixoek, osasun-langileek eta boluntarioek sortuak dira. Emozio eta gizarte-laguntza eskaintzen dute ideien trukaketa eta irtenbide posibleak elkarbanatzea erraztuz. Talde hauetan epilepsiarekin bizitzea zer den dakiten pertsonengandik ulermena eta laguntza aurkituko dituzu. Honetaz gain, bizitza esperientzia bera duten pertsonak ezagutu ahal izango dituzu, askatasunez zure burua adierazi, entzun eta entzuna izan, zure buruaz baita besteez gehiago ikasi,  gaixotasunaren inguruan ere ikasi eta lagunak eta harremanak sortu ere.